Susto para os peregrinos en Lalín: Coa chegada da primavera, ademais das flores, tamén xermolan os peregrinos que cruzan o Deza para chegar a Compostela. Como tantos outros, un grupo de sendeiristas canadenses acudiron a Lalín para pasar a noite e continuar a ruta ao día seguinte, sen embargo, un problema coa reserva de aloxamento fíxolles temer o peor: unha estafa.
Acompañados por un veciño de Lalín que facía de intérprete, acudiron primeiro ao Concello para comprobar se realmente existía a estancia que tiñan reservada. Non estando de acordo con ningún deles, decidiron acudir á sede da Garda Civil para presentar unha denuncia contra o que parecía unha estafa.
Porén, unha vez alí descubriron que todo se debía a un erro telefónico, e por fin puideron descansar no seu aloxamento da capital dezana.
Axudas municipais
Ante a posibilidade de que fosen estafados e o consecuente prexuízo para a reputación de Lalín como aloxamento para peregrinos que percorren o Camiño de Santiago, o alcalde, José Crespo, acudiu ao cuartel para prestar a axuda necesaria aos visitantes, mesmo tendo en conta a opción de ofrecerlles aloxamento gratuíto nun negocio do centro da vila.
Afortunadamente, todo rematou nun susto, pero o despregamento do Concello para axudalos e a axuda desinteresada dunha muller de Lalín acabaron deixando a este grupo de peregrinos canadenses un grato recordo do seu paso por Lalín, mostrando o seu agradecemento polo trato recibido.
FONTE: A VOZ DE GALICIA
